Суға батып, шөлдеп жүрген Петропавл

Үлкен судың келуінің алғашқы күндерінде Петропавл сумен қамтамасыз етілмей қалды. Қала әкімі Серік Мұхамедиевтің айтуынша, бұл электр желілерінің бес тірегінің мұз массасымен зақымдануына және сорғы станциясының тоқтауына байланысты. Жергілікті тұрғындар жаппай бөтелке суын сатып ала бастады, ал екінші ауысымдағы оқушылар қашықтықтан форматқа көшірілді. «Севказэнерго» АҚ-да мұз тіпті бетон тіректерге зақым келтіруі мүмкін деп түсіндірді. Су тасқыны маусымының басынан бері елімізде 200-ден астам ЭБЖ тіректері зардап шекті.