Елге танымал актриса өмірден өтті

Ресей Федерациясының еңбек сіңірген артисі, Леонид Гайдайдың жұбайы Нина Гребешкова қайтыс болды, деп хабарлайды Ресей кинематографистерінің одағына сілтеме жасаған KAZ.NUR.KZ. Одақтың ресми сайтында 95 жасқа қараған шағында Ресей Федерациясының еңбек сіңірген артисі Нина Павловна Гребешкова 2025 жылдың 10 мамырында өмірден озғаны хабарланған. "Кәсіби актриса, драмадан комедияға дейін шеберлікпен орындайтын аса дарын иесі Нина Павловна Гребешкова өз өмірін Леонид Иович Гайдай мен оның дарынына қызмет етуге арнады. Леонид Иович өмірден өткеннен кейін Нина Павловнаның басты ісі оның мұрасын сақтауға және оның есімін ұлықтауға арналды. Ол күйеуі туралы деректі фильмдер жасаумен айналысты, шығармашылық кештер өткізді. Керемет актриса, жарқын жүзді жанның есімі ұмытылмайды", - делінген хабарламада. Нина Гребешкова 1930 жылы 29 қарашада өмірге келген. 130-ға жуық кинорольге түсіп, "Кавказская пленница, или новые приключения Шурика", "Бриллиантовая рука", "12 стульев" сынды фильмдерде рөлдерді сомдаған.