Танымал тележүргізуші Ләйлә Сұлтанқызы оқырмандарына өмірді кейінге қалдырмай, дәл қазір өзгертуге шақыратын жазба жариялады, деп хабарлайды ozgeris.info.
«40 жасқа келгенде бастаймын» деп күтпе. Өмірді өзгертетін қадамдарды бүгіннен баста:
– Қорқынышың көп пе? Үлкен өзгеріс күтпе, кішкентай қадам жаса. Сенім әрекеттен кейін келеді.
– Достарыңнан алыстап бара жатсаң, тек қиындықта емес, жай уақытта да хабарлас. Қарым-қатынас та күтімді қажет етеді.
– Бақыт іздеп жүрсің бе? Күн соңында өзіңнен сұра: «Мен бүгін өмір сүрдім бе, әлде уақыт өткіздім бе?»
– Жалғыздық сезілсе, бірінші болып байланыс орнат. Кейде адамдар жалғыздықтан емес, күтуден шаршайды.
– Қаржы мәселесі мазаласа, шағымды азайтып, жаңа мүмкіндік ізде. Дағды үйрен, бағыт өзгерт.
– Күн сайын шаршап жүрсең, өзіңнен шын жауап ал: шаршадың ба, әлде қазіргі өмірің сені қажытты ма?
– Сапар арманың болса, қолайлы сәтті күтпе — жоспар құр.
– Өкпе жиналса, сөйлес, кешір немесе нүкте қой. Өткенді арқалап жүру өзіңе салмақ түсіреді.
– Жұбайың болса, күн сайын аз уақыт болса да телефонсыз сөйлес.
– Балаң болса, оған уақыт сыйла. Есте қалатыны — сыйлық емес, бірге өткен сәттер.
– Ата-анаң аман болса, жиі хабарлас. Кейін кеш қалмас үшін бүгін уақыт бөл.
Өмірдің жақсы жағын күтіп отырмай, оны өзің құрудан баста.
