Қазақстанда полицейлердің сандық рейтингі енгізіледі

Сенатта мемлекеттік қызмет мәселелері бойынша заңға өзгерістер мақұлданды. Енді құқық қорғау органдарында қызметкерлердің жетістіктерін қадағалау және кемшіліктерін анықтау үшін олардың сандық рейтингін енгізу жоспарлануда. Отырыс барысында Мемлекеттік қызмет істері агенттігі төрағасының орынбасары Салауат Мұқсымов жүйе оң да, теріс те критерийлерді ескеретінін түсіндірді. Оның айтуынша, негізгі көрсеткіштер білім деңгейі, дағдылар, еңбек тәжірибесі мен жеке жетістіктер болады.

"Сондай-ақ балдарды төмендететін теріс критерийлер де бар. Егер адам тәртіптік жауапкершілікке тартылса, аттестаттау нәтижелері теріс болса немесе құқық бұзушылық жасаса, осының бәрі оның рейтингін қалыптастыруда ескеріледі", - деп мәлімдеді Мұқсымов.