«Жайдарманның» негізін қалаушы Есен Елеукен мен белгілі блогердің арасындағы жанжал әлеуметтік желіде кеңінен тарады. Оқиғаның қалай болғаны белгілі болды, — деп хабарлайды Ozgeris.info тілшісі.
Желіде тараған видеоға сүйенсек, блогер Әділет пен жайдарманшы Азамат Жадырасынов футбол барысында сөзге келіп қалған. Екеуінің арасындағы шудың арты үлкен дауға ұласқан. Кейіннен жігіттер бір-бірінен кешірім сұрап, барлығы эмоцияның салдарынан болғанын айтып, осы оқиғаның Есен Елеукенге зияны тигені үшін ұялатындарын жеткізеді. Бұдан бөлек, барлығы «Жайдарман» арқылы танылғаннан кейін Есен ағаны әкесіндей көретінін жасырмайды.
Әділет Айтжанов артынша Есен Елеукенмен бірге түскен суретін жариялап, «Биенің тепкені құлынына батпайды. Тепсе, тепсін, не болыпты», — деп жазады.
«Ашуын ұстай алмай ертеңіне кешірім сұрап жүретіндерді кім деп айтады?», «Басы қатты — соңы тәтті», «Шоу ғой», «Теуіп алып, шай ішіп отырғандары қалай кетті», «Мұсылман адам үш күннен артық ренжуге болмайды», «Енді дұрыс болды», «Үлкенге — құрмет, кішіге — ізет болуы керек», — деп желі қолданушылары түрлі пікір жазды.
Естеріңізге сала кетейік, бұған дейін Есен Елеукеннің белгілі блогерді балағаттағанын жазған болатынбыз.