Елдос Сметовтың бапкері мен Нұрдәулет Жұмағалидың айлығына 4 млн теңге қосылды, деп хабарлайды ozgeris.info.
Келесі айдан бастап Әлем чемпионатының жеңімпазы Жарқынай Рахымбаева және қола жүлдегер Серғали Әбілда, биылғы Паралимпиаданың паражүзуден күміс жүлдегері Нұрдәулет Жұмағали мен бапкері Саттар Бейсембаевтың жалақысы өседі.
Ал Елдос Сметовтың бапкері келесі олимпиадаға дейін ай сайын 4 млн теңге қосымша жалақы алады. Осы аптада өткен Жамбыл облыстық мәслихатының сессиясында осындай шешім қабылданды.