Сырым ауданына қарасты Жосалы, Тамды және Көгеріс ауылдарының тұрғындары мәслихат депутаты Шынар Дүйсенғалиеваға сенімсіздік білдірді, деп хабарлайды Ozgeris.info тілшісі «Уральская Неделя» порталына сілтеп.
Дүйсенғалиева – Сырым аудандық мәслихатының төрайымы.
Оны депутаттық мандаттан айыруды талап еткен сайлаушылардың хаты аудандық сайлау комиссиясына түскенін комиссия басшысы Марат Хасанов растады.
Аудандық мәслихат депутаты Серік Зиятов бұл бастама туралы алғаш болып әлеуметтік желідегі парақшасында жазды. Кейіннен ол қол жинауды ұйымдастырған тұрғындарға және олардың отбасыларына мемлекеттік органдар тарапынан қсысым көрсетіліп жатқанын айтты.