Ұшақта шу шығарып, 15 тәулікке қамалған Қайрат Нұртас балаларымен жолықты, деп хабарлайды ozgeris.info.
Әнші Қайрат Нұртас 20 шілдеге қараған түні бостандыққа шықты.
Қайрат Нұртас бостандыққа шыққан соң, балаларымен кездескен сәтті жеке парақшасында көрсетті. Видеода әнші екі ұлымен бірге серуендеп жүргенін көруге болады. Бейнежазбада Нарұл мен Хан жұлдызды әкесін құшақтап, бетінен сүйген.
«Ассаламағалейкум, қазақ елі. Нарұл мен Хан деген жігіттер. Хан – спортшы жігіт. Ал Нарұл ақылды жігіт», – деді өнер иесі.
Еске салайық, 5 шілде күні Қайрат Нұртас төбелесіп, ұсақ бұзақылық жасағаны үшін сотқа тартылған болатын. Кейін ол 15 күнге қамауға алынып, 20 шілде күні бостандыққа шықты.