Астанада Людмила Грачеваның соты аяқталды. Ол Салтанат Нүкенованы өлтіргені үшін сотталған бұрынғы министр Қуандық Бишімбаевтың үкімін жеңілдету сылтауымен 100 млн теңге иемденуге кінәлі деп танылды, деп хабарлайды Ozgeris.info.
Астана соты Грачеваны айыптаудың барлық тармақтары бойынша кінәлі деп тапты.
Аса ірі көлемде алаяқтық жасаған деген айып бойынша Грачева бес жылға бас бостандығынан айырылды. Ірі көлемде пара беруге итермелегені үшін 10 жылға түрмеге кесілді.
«Онша қатаң емес жазаны жұту принципімен қауіпсіздік жағдайы орташа мекемеде 10 жылға бас бостандығынан айыру жазасын түпкілікті тағайындау», — деп мәлімдеді судья.
Сондай-ақ сот Грачеваның мемлекеттік қызметте қызмет атқаруына өмір бойы тыйым салды.
Бұған дейін жарыссөзде прокурор сотталушыны 11 жылға бас бостандығынан айыруды сұраған болатын.
Басты сот талқылауы қазан айында басталды. Сотта Грачеваның әрекеттері Қылмыстық кодекстің мынадай баптары бойынша сараланды:
- 24-баптың 2-бөлігі «Қылмысқа дайындалу және қылмысқа оқталу»;
- 2-баптың 4 бөлігінің 190-тармағы «Аса ірі мөлшерде жасалған алаяқтық»;
- 28-баптың 4-бөлігі «Айдап салу»;
- 367-баптың 4-бөлігі «Аса ірі мөлшерде пара беру».
Соңғы сөзін айтқан Грачева кінәсін мойындамайтынын және оның әрекеттерінің саралануымен келіспейтінін мәлімдеді. Сондай-ақ ол Бишімбаевтар отбасын жауапкершілікке тартуды өтінді.
Маусым айында Бишімбаевтың туыстары экс-министрдің үкімін 100 млн теңгеге жеңілдетуді ұсынғанын айтып, Грачеваға қатысты полицияға арыз жазды.
13 мамырда елордалық сот бұрынғы ұлттық экономика министрі Бишімбаевты әйелі Салтанат Нүкенованы азаптап, өлтіргені үшін кінәлі деп тапты. Ол 24 жылға бас бостандығынан айырылды. Оның туысы Байжанов аса ауыр қылмысты жасырғаны үшін төрт жылға бас бостандығынан айырылды.