Қазақстанда бір жылда бюджеттен 489 миллиард теңге тиімсіз игерілді

Өткен жылы 489 миллиард теңгені тиімсіз пайдаланғаны үшін 158 шенеунік жазаға тартылса, біразы ғана жұмыстан босатылған. Бұл туралы Мәжілісте 2023 жылға арналған республикалық бюджеттің атқарылуы туралы үкіметтің есебінде Қаржы вице-министрі Дәурен Темірбеков мәлім етті. Оның айтуынша, бар болғаны бір жылдың ішінде 489 миллиард теңге тиімсіз игерілсе, оның 143 миллиард теңгесі пайдаланылмаған бюджет қаражаты, пайдаланылмаған нысаналы трансферттер мен бюджеттік кредиттер. 158 қызметкер жауапкершілікке тартылса, оның 141-і жоғары лауазымды қызметте.

• 80 қызметкер ескертулер мен қатаң ескертулер алды;
• 72 – сөгіс және қатаң сөгіс;
• 6 - орындалмағаны туралы ескертулер алып, жұмыстан шығарылды.