Қарағанды облысында жол-көлік оқиғасы салдарынан бес адам қаза тауып, үшеуі жарақат алды, деп хабарлады облыстың полиция департаменті.
8 маусымда сағат 22.23-те Қызылорда-Павлодар автожолының 931-ші шақырымында адам өліміне әкеп соққан апат орын алды. Онда үш көлік: Audi, Chevrolet Cobalt және Toyota Previa соқтығысқан.
«Жол-көлік оқиғасы салдарынан төрт жолаушы мен 22 жасар Chevrolet Cobalt автокөлігінің жүргізушісі алған жарақатынан қайтыс болды. «Audi» автокөлігінің 21 жастағы жүргізушісі, оның 17 жастағы жолаушысы және «Toyota Previa» автокөлігінің 39 жастағы жолаушысы медициналық мекемеге жеткізілді «, — деп хабарлады Қарағанды облысының ІІД.
ЖКО фактісі бойынша қылмыстық іс қозғалды. Тиісті сараптамалар тағайындалды.