Алматылық оқушылар 1 қыркүйекте мектепке бармайды, деп хабарлайды Ozgeris.Info.
Алматы қалалық әкімінің орынбасары Әсем Нүсіпова 1 қыркүйек демалыс болатынын айтты.
«1 қыркүйек демалыс күніне түскендіктен, балалар демалады. 2 қыркүйекте бәріміз мектепке барамыз», – деді әкімнің орынбасары.
Алматы қалалық білім басқармасы басшысының орынбасары Айдын Сайлаубай да мектеп оқушыларына арналған алғашқы қоңырау 2 қыркүйекте өтетінін атап өтті.
Бұл ақпаратты Алматы қалалық білім басқармасының баспасөз қызметі де растады.
Еске салайық, 1 қыркүйек жексенбіге сәйкес келгеніне қарамастан, Оқу-ағарту министрі Ғани Бейсембаев алғашқы қоңырау дәл осы датада өтетінін айтқан еді.