22 жастағы Алматылық ірі нарколабораторияны басқарған

Полиция, ҰҚК және прокуратура қызметкерлері Алматыда синтетикалық есірткі өндіретін ірі зертхананы жою бойынша бірлескен арнайы операция жүргізді. Саяжай үйін тінту кезінде шамамен 44 кг мефедрон және 2 кг-ға жуық "синтетика" және есірткі өндіруге қажетті заттар, сондай-ақ 28 мың доллар қолма-қол ақша табылды. 45 кг-нан астам синтетикалық есірткі тәркіленді, бұл 90 000 бір реттік дозаға тең. Қылмыстық іс қозғалды, күдікті қамауға алынды.