Тоқаев: «Біздің мақсатымыз — академиялық және инновациялық хаб болу»

Қазақстан Президенті Қасым-Жомарт Тоқаев елдің адам капиталын дамыту мен цифрлық трансформацияға бағытталған инвестицияларды атап өтті, деп хабарлайды ozgeris.info. Оның айтуынша, Қазақстан алдағы уақытта академиялық және инновациялық хабқа айналуды көздейді. Бұл мақсатқа жету үшін елде адам капиталына қаржы құйылып, жастардың әлеуетін арттыруға ерекше көңіл бөлінбек.

— Цифрлық трансформацияны жеделдетіп, халықаралық деңгейдегі университеттердің филиалдарын ашу арқылы жаңа мүмкіндіктерге жол ашылады. Сонымен қатар, зерттеу және тәжірибелік жобаларға қолдау көрсетіліп, халықаралық ынтымақтастық кеңейтіледі, — деді Мемлекет басшысы.

Тоқаевтың сөзінше, білім мен ғылымға инвестиция құю — ел болашағы үшін ең маңызды басымдықтардың бірі.