Дәрігерлер стационарға ауыр жағдайда түскен жүкті әйелді құтқарды

№5 қалалық перзентхананың Акушер-гинекологтары мен анестезиолог-реаниматологтары нағыз ғажайып істі жүзеге асырды деуге болады. Олар ауыр преэклампсиямен ауыратын жүкті әйелдің өмірін сақтап қалды деп хабарлайды Ozgeris.info тілшісі. Жүкті ананың аман қалу мүмкіндігі аз болса да, қиын жағдайға қарамастан, оның өмірін сақтап қалды. Ең күрделі операцияны №5 қалалық перзентхананың жетекші акушер-гинекологтары жүргізді. Бұрын да жүкті болған әрі босанған әйел бұл жолы 37 апта 5 күн мерзімдегі жүктілігімен жүрек айну, тоқтаусыз құсу, тұрақсыз гемодинамика, аяқтың төменгі бөлігінің күрт ісінуі, бір апта ішінде зәр шығарудың төмендеуі туралы шағымдармен келген. Науқастың айтуы бойынша, қан қысымының жоғарылауы жүктіліктің 27 аптасынан бастап (150/100 мм сын.бағ. дейін) байқалған, үшінші триместрге дейін емдеу және тексеруден өтпеген. Бұл жүктілік оның үшінші жүктілігі, үшінші босануы болды. Алдыңғы босанулары ауыр преэклампсия аясында өткен. ​Қабылдау кезінде жалпы ауыр преэклампсия белгілеріне байланысты жағдайы ауыр болған. АД-170/100 мм сын. бағ., протеинурия 3,0 грамм. Босануға толық мерзімнің жеткенін, ауыр преэклампсияны, екі операциядан кейінгі жатырдың тыртықтарын ескере отырып, ана мен баланың өміріне қауіп төндіретін жағдай туындауына байланысты, дәрігерлер шұғыл түрде кесарь тілігі арқылы босандыру туралы шешім қабылдады. Босанғаннан кейін әйелдің жағдайы да ауыр болды, бірақ тиісті және сауатты емдеу аясында босанған әйелдің жағдайы тұрақталды. Бір аптадан соң, жас босанған ана нәрестесімен бірге денсаулықтары қанағаттанарлық жағдайда перзентханадан үйлеріне шығарып салынды. Қазіргі таңда ана мен бала өздерін жақсы сезінеді.

Ozgeris.info