5 наурызда АҚШ конгресіне жолдаған үндеуінде Дональд Трамп USAID агенттігінің «мағынасыз» қаржылық салымдары туралы айтты. Оның ішінде ұйым түрлі елдерде ЛГБТ құқықтарын қорғауға 40 млн доллар бөлген.
Трамп мұндай шығындарды «салық төлеушілер ақшасын ысырап етудің алаяқтық схемалары» деп атады.
«АҚШ-тың Федералды атқарушы департаменті 22 млрд долларды заңсыз иммигранттарға баспана мен көлік сатып алуға жұмсаған. 45 млн доллар Бирмадағы әртүрлілік пен инклюзивтілікті қолдау үшін бөлінген стипендияларға кетті. 40 млн доллар қозғалысы шектеулі мигранттардың әлеуметтік және экономикалық интеграциясын жақсартуға бағытталды. Бұл не нәрсе екенін ешкім білмейді», — деді ол.