Екібастұзда бесінші қабаттан бала құлады. Үш жастағы ер бала ауыр жағдайда ауруханаға жеткізілді, — деп хабарлайды ozgeris.info тілшісі pavlodarnews.kz-ке сілтеме жасап.
Облыстық жедел жәрдем станциясының мәліметінше, 5 тамызда 17:07-де биіктен құлау туралы хабарлама түсті.
«2021 жылы туған ер бала үйдің бесінші қабатынан құлады. Медициналық бригада үш минутта жетті», — деп хабарлады облыстық жедел жәрдем станциясы.
Зардап шеккен бала Екібастұз қалалық ауруханасында дәрігерлердің бақылауында, ауыр жағдайда жатыр.