UFC тұжырымының бұрынғы жауынгері Дамир Ысмағұлов (24-3) келесі жекпе-жегін Алматыда Hardcore FC тұжырымының турнирінде өткізеді, деп хабарлайды Ozgeris.info.
13 шілдеде болатын турнирде оның қарсыласы ресейлік Дмитрий Климов болмақ. Ысмағұлов соңғы жекпе-жегін кикбоксинг ережесі бойынша «Наше дело» 82 турнирінде өткізіп, ресейлік Эдуард Вартаняннан ұпай санымен жеңілген еді.
Айта кетейік, бұл турнирдің басты жекпе-жегінде жеңіл салмақтағы Мұратбек Қасымбай мен Диего Брандао чемпиондық белбеу үшін кездеседі.