Қорғаныс министрлігінде әскерге шақыру жасындағы азаматтарға қатысты рейдтер өткізу туралы түсініктеме берілді.
Бұған дейін БАҚ пен әлеуметтік желілерде жастарды ұстау және жергілікті әскери басқару органдарына мәжбүрлеп жеткізу туралы бейнематериалдар таратылған болатын.
«Осыған байланысты Қорғаныс министрлігі жылына екі рет (көктемгі және күзгі шақыру) жүзеге асырылатын әскери қызметке шақырудың қолданыстағы тәртібін түсіндіруге уәкілетті. Әскерге шақыру науқаны барысында жекелеген жағдайларда тиісті түрде хабардар етілген азаматтардың жергілікті әскери басқару органдарына уақтылы келмеу фактілері байқалады. Сонымен қатар, әскерге шақыру жасындағы азаматтарды есепке алу олардың көбінің тіркелген жерінде тұрмауымен, ал көшіп келген кезде жаңа тұрғылықты мекен-жайы бойынша тіркелмеуімен қиынға соғады. Қолданыстағы заңнамаға сәйкес шақырылушыға шақыру қағазын беру мүмкін болмаған жағдайда оның келуін қамтамасыз ету ішкі істер органдарына жүктеледі «, — деп хабарлады Қорғаныс министрлігі.
Ведомствоның хабарлауынша, рейдтер кезінде азаматтар ішкі істер органдары қызметкерлерінің заңды талаптарына бағынбайды, қарсылық көрсетеді.
«Мұндай жағдайда полиция қызметкерлері оларды мәжбүрлеп ұстауға және жеткізуге уәкілетті. Шақыру комиссиясы жеткізілген адамның мәртебесін айқындайды. Мерзімді әскери қызметке шақыруға негіз болмаған жағдайда, оны үйіне жібереді, ал ол болған жағдайда — медициналық комиссиядан өту және шақыру шеңберінде басқа да іс-шараларды өткізу үшін жібереді «, — деп толықтырды ведомстводан.
Қорғаныс министрлігі мерзімді әскери қызметке шақырудан жалтарғаны үшін заңнамада әкімшілік және қылмыстық жауапкершілік көзделгенін еске салды.
«Осының негізінде азаматтарды қолданыстағы заңнаманың талаптарын сақтауға және жалған ақпарат таратудан бас тартуға шақырамыз», — деп түйіндеді Қорғаныс министрлігінде.
Қорғаныс министрі Руслан Жақсылықов әскерге шақырылушыларға қатысты рейдтер туралы ақпаратқа түсінік берді.