Ақтөбе қаласындағы НЗМ 11-сынып оқушысы Аян Қайырбек зорлық-зомбылықтың кез келген түрінен құтқаратын UmaiAsar қолданбасын жасап шығарды. Бұл туралы “ozgeris.info” порталы “Диапазон” басылымына сілтеме жасап хабарлайды.
Қосымшаны Android платформасында жүктеп алуға болады, кіреберісте үш сенімді нөмірді енгізіп, геолокацияға рұқсат беру керек. Осы деректердің арқасында төтенше жағдайда адам жақындарына көмек сұрап SOS хабарламасын жібере алады және олар дабыл қаққан адамның орналасқан жерін көреді.
Қолданбаны әзірлеу кезінде автор ІІМ мен Төтенше жағдайлар министрлігіне хабарласып, ол хабарламалардың 102 немесе 112 телефондарына тікелей жіберілуін қалайды. Өкінішке орай, бұл функция әлі техникалық қол жетімді емес, бірақ Аян оны тез арада қосатынына сенімді.
“Бұл идея 2020 жылы карантин кезінде туған. Өйткені, отбасындағы зорлық-зомбылық фактілері сол кезде жиілеп кетті. Мобильді қосымшаны жақсарту үшін мен сенімді дереккөздерден мәліметтер жинадым: Конституция, Қылмыстық кодекс, Әкімшілік кодекс. UmaiAsar қолданбасы оқиғаның басында немесе ортасында сенімді адамдарға жетуге көмектеседі. Бір ғана түймені басу керек болғандықтан, әрбір секунд маңызды болған кезде минуттап желіде тұрудың қажеті жоқ», — деді студент.
Сондай-ақ, бағдарламада Қазақстандағы дағдарыс орталықтары, құқықтық база және алғашқы медициналық-психологиялық өз-өзіне көмек көрсету жолдары туралы ақпаратты таба аласыз.
Ақтөбелік оқушы Наурыз мейрамы қарсаңында Түркістанға ел Президенті Қасым-Жомарт Тоқаевпен кездесуге барады. Шарада еліміздің барлық қалаларынан балалар өздерінің бірегей жобаларын көрсетеді.
“ozgeris.info” порталы