Ақмола облысы жастар-ресурстық орталығы жастардың шығармашылық, білім беру және әлеуметтік бастамаларын дамыту және қолдау, жас адам тұлғасын дамыту, жастардың жобалық-зерттеу және ғылыми жұмысқа қатысуын ынталандыру мақсатында а.ж. қараша айының 28 жұлдызында сағат 15:00-де өзінің жыл сайынғы жастар, студенттер, жас ғалымдар мен кәсіпкерлер арасында «AQMOLA POWER» инновациялық идеялар мен жобалардың аймақтық байқауын өткізуді жоспарлап отыр.
Жалпы аталмыш 3 кезеңнен тұрады. I кезең – байқау материалдарын қабылдау және жүйелеу — 26.10.2022 – 14.11.2022 жыл. II кезең – ең жақсы жобаларды іріктеу 15.11.2022 — 18.11.2022 жыл (30 жобадан аспайды). ІІ кезеңге өткен қатысушылардың тізімі, @ mrc_aqmola03 инстаграмдағы ресми парақшасында жарияланады. III кезең – 2 – кезеңнен өткен жобалардың презентациясы, марапатталуы (2022 жылдың қараша айы).
Байқауға қатысуға жастар, мектеп оқушылары сондай-ақ, техникалық және кәсіптік білім беру ұйымдарының студенттері, жоғары оқу орындарының студенттері, жастар қоғамдық бірлестіктерінің өкілдері, жас оқытушылар, жас ғалымдар мен кәсіпкерлер жіберіледі. Сондай-ақ, байқауға 5 адамнан аспайтын идея авторларының топтары қатыса алады. Байқауға қатысушылардың жасы 14-пен 29 жас аралығына дейін.
Аталған 2 кезеңнің қорытындысы бойынша 50 қатысушыдан 32 ақтық кезеңге өтті.
Өткізу орны: Ақмола облысы ББ жанындағы «Болашақ сарайы» ШЖҚ МКК
Ақмола облысы Ішкі саясат басқармасы
Ақмола облысы жастар-ресурстық орталығының
баспасөз қызметі
(Балабеков Жеңіс байл.тел.50-72-69)