2 желтоқсанда Түрксіб ауданындағы «Norma Logistics» ЖШС қойма кешенінің аумағында болған қайғылы оқиғаға қалалық полиция департаментінде түсінік берілді. Еңбекті қорғау ережелерін бұзу фактісі бойынша қылмыстық іс қозғалды, деп хабарлайды Ozgeris.info тілшісі CMN.KZ порталына сілтеме жасап.
«Түрксіб аудандық полиция басқармасында еңбекті қорғау ережелерін бұзу фактісі бойынша қылмыстық іс қозғалды. Адам өлімінің себебін анықтау үшін сот-медициналық сараптама тағайындалды», — делінген хабарламада.
Қазіргі уақытта оқиғаның объективті мән-жайларын анықтауға бағытталған кешенді тергеу іс-шаралары жүргізілуде.
CMN.KZ тілшісі желіде көрсетілген телефондар арқылы «Norma Logistics» ЖШС-мен байланысуға тырысты. Алайда олардың ешқайсысы жауап бермеді.