Жуырда БАҚ-өкілдері Еңбек және әлеуметтік қорғау министрі Светлана Жақыпова Dior брендінің көзілдірігін тағады деген күдікті сұраққа тап болған. Бүгін үкімет кулуарында ол көзілдірігі брендтің көшірмесі екенін және ешқашан бренд киім кимегенін айтты, деп хабарлайды Ozgeris.info тілшісі Аzattyq rýhy-на сілтеме жасап.
«Көзілдірігім Dior-дың жақсы көшірмесі, бағасы 25 мың теңге. Алған оптика дүкенінің мекен-жайын да бере аламын. Костюмді де қайдан алғанымды айта аламын. Мен әлемдік брендердің көшірмелерін кигенім үшін ұялмаймын. Бренд киім, әдемі өмірдің артынан қумаймын. Менің арым таза, мен бүкіл еңбек жолымда тіпті, ешқашан шетелде демалған емеспін», – деді министр.