Ұлытау ауданының әкімдігі газетке 8 млн төлеп тапсырыспен материал шығарған

11 қазанда Ұлытау ауданының ішкі саясат бөлімі мемлекеттік ақпараттық саясатты жүзеге асыру үшін 8 млн теңгелік тендер жариялағаны анықталды, деп хабарлайды ozgeris.info. Тендер аясында аймақтың әлеуметтік-экономикалық дамуы және мәдени өмірі жайлы ақпарат тарату көзделгенімен, негізгі бағыт – президент жолдауы мен мемлекеттің жоғары басшылығының жұмысына назар аудару. Тапсырысты орындаушы ретінде Ulytau газеті таңдалған. Бұл басылым ұзақ жылдар бойы аудан әкімдігінен осындай тендерлер алып келеді. Мысалы, ең жоғары қаржыландыру 2021 жылы болған — 36 млн теңге. Газеттің онлайн нұсқасы және әлеуметтік желідегі аккаунттары бар, алайда оқырман саны мен қаралымдары төмен. Бұл жағдай халыққа ақпараттың тиімді жеткізілуі туралы сұрақтар туғызады. Ақпарат factcheck.kz сайтынан алынған.