Ресейдің Украинаға басып кіргеніне үш жыл болды. Журналистердің зерттеуіне сүйенсек, соғыс басталғалы шамамен 160–165 мың ресейлік әскери қаза тапқан. Олардың арасында этникалық қазақтар да бар.
«Медиазона» Соғыста қаза тапқан жауынгерлердің аты-жөні жазылған тізімді жариялады.
Қазіргі таңда бұл тізімде 95 323 адам бар. «Медиазона» және BBC журналистері, сондай-ақ еріктілер бұл деректерді ашық көздерден – әлеуметтік желідегі некрологтардан, БАҚ жарияланымдарынан және жергілікті билік хабарламаларынан жинаған.
Бұрын бұл тізімде нақты мәліметтер көрсетілмейтін, алайда қазір марқұмның аты-жөні, әскери шені, туған және қайтыс болған күні, туған жері, сондай-ақ фотосуреті жарияланады. Дегенмен журналистер тізімде қателіктер болуы мүмкін екенін ескертеді.
Қаза тапқандар арасында этникалық қазақтар бар. Тізімде ұлты көрсетілмейді, алайда есімдері мен тегіне қарап олардың қазақ екенін анықтауға болады.
Мысалы, бұл тізімде Астрахан облысы, Володар ауданының тумасы 62 жастағы Амангелді Юсубалиев бар. Оның некрологында армиядан кейін совхозда тракторист, кейін теміржолда 14 жыл жолсерік болғаны, ал соғысқа аттанар бұрын Астраханда жедел жәрдем жүргізушісі болғаны жазылған. 2024 жылдың жазында Амангелді өз еркімен соғысқа аттанып, 2024 жылдың 29 тамызында қаза тапты. Оның артында үш баласы мен үш немересі қалды.
Тағы бір қаза тапқан қазақ – 26 жастағы Азат Сүлейменов. Ол тізімде сотталған адам ретінде көрсетілген. Оның төрт жасар ұлы қалды. Ол да Володар ауданының тумасы.
Дархан Ұзақұлы Туялиев те осы тізімде бар. Ол Володар ауданынан мобилизацияланған. (02.05.1999 – 21.09.2024).
Қаза тапқандардың ішінде қазақ екені нақты белгілі Марат Қадірғалиев бар. (Харабали ауданы, Астрахан облысы). Оның қазақ екені әлеуметтік желідегі парақшаларынан расталған. Ол 2022 жылдың 8 сәуірінде әскери құрметпен жерленді. Аудан әкімшілігі оны «Ерлігі үшін» орденімен марапаттаған.
Тағы бір қазақ – Мұратбек Килимов (мотоатқыштар бөлімінің қатардағы жауынгері). Ол майданда бір айдан соң қаза тапқан.
Ресейдің түрлі аймақтарынан шыққан қазақ тегі бар қаза тапқан сарбаздардың тізімі:
Астрахан облысы
•Тимур Абдухаиров, 32 жас, Камызяк
•Қанат Бытыров, 29 жас, Харабали ауданы
•Муратбек Килимов, 41 жас, Алтынжар, Володар ауданы
•Нұрлан Татиев, 39 жас, Золотари ауылы, Палласов ауданы
•Сұлтанбек Шагимов, 29 жас, Алтынжар
•Өтеміс Қуанышпеков, 45 жас, Костромада жерленген
•Рашид Ихсанов, 36 жас, Володар ауданы
Орынбор облысы
•Тимур Исбағамбетов, 23 жас, Камышино ауылы, Саракташ ауданы
•Рустам Күнжариков, 27 жас, Орск
•Еламан Сатбаев, 26 жас, Экспериментальный ауылы, Орынбор ауданы
•Рустам Ерешеев, 26 жас, Қувандык
•Салават Жәлиев, 24 жас, Грачев ауданы
•Әмір Шайкенов, 24 жас, Ақбұлақ ауданы
•Марсель Таутанов, 27 жас, Первомайское ауылы
•Жантуар Искалиев, 24 жас, Орск
•Ермек Төремуратов, 20 жас, Светлый ауылы
•Азамат Жанкулов, 29 жас, Ташлин ауданы
•Асхат Үргенішбаев, 20 жас, Орск
•Қайрат Саққұзиев, 28 жас, Орынбор
Омбы облысы
•Ерқанат Нұрмағамбетов, 26 жас, Омбы
•Айтпай Мусафиров, 20 жас, Омбы
•Азамат Хайыржанов, 38 жас, Омбы
•Руслан Арғымбаев, 31 жас, Ясный
•Жанат Чекпақов, 22 жас, Омбы
•Вәлихан Тасыбеков, 42 жас, Омбы
•Талғат Жұмбақов, Омбы
Саратов облысы
•Мақсұт Сейтов, 23 жас, Маркс
•Айдар Арестанов, 20 жас, Новоузенск
•Руслан Нұғайәлиев, 1993 ж.т., Ровен ауданы
•Адельжан Насыров, 37 жас, Перелюб ауданы
•Заур Бижанов, 31 жас, Бабушкин ауылы, Алғай ауданы
•Марат Рахметов, 24 жас, Александров-Гай ауданы
•Сабыр Балқаев, 20 жас, Новоузен ауданы
•Талғат Дускалиев, 31 жас, Ровное ауылы, Татищев ауданы
Волгоград облысы
•Иван Ержанов, 32 жас, Волжск
•Диар Жіксімбаев, 31 жас, Волжск
•Бауржан Әлжанов, 28 жас, Золотари ауылы
•Эдуард Буланов, 20 жас, Волгоград
•Валерий Баймышев, 20 жас, Тормосин ауылы, Чернышев ауданы
2021 жылғы халық санағы бойынша, Ресейдегі қазақтардың саны – шамамен 590 мың адамды құрайды. Олардың басым бөлігі Астрахан, Орынбор, Омбы және Саратов облыстарында тұрады.
24 ақпанда Ресей-Украина соғысының басталғанына үш жыл болды. Осыған орай Астраханда соғысқа аттанғандарға арналған мемориалдық кешен ашылды.
