«Біз прагматик болуымыз керек. Мен Қазақстан 2060 жылға қарай көміртек бейтараптығына қол жеткізуді мақсат етіп отырғанын бұған дейін айтқанмын. Бұл – біздің әлеуетіміз бен мүмкіндіктерімізге сүйенген, жүзеге асыруға болатын нақты бағдарлама деп есептеймін», – деді Тоқаев.
Ол қазіргі таңда елімізде энергия тұтынудағы көмірдің үлесі 73% екенін айтты.
«Әрине, біз көмірден бір күнде бас тарта алмаймыз. Дегенмен, бізде мұнай секілді табиғи ресурстар бар. Ал уран өндіру бойынша Қазақстан әлемде бірінші орында. Дүниежүзілік нарықтағы уранның 40%-ы біздің елден экспортталады», – деп нақтылады Мемлекет басшысы.
