Қазақстан соғыс жылдарында маңызды өнеркәсіптік орталыққа айналып, Жеңісті шыңдаған қуатты өндіріс ошағына айналды.
Бұл туралы Мәскеуде өткен «Ұлы Жеңіс экономикасы» атты ғылыми конференцияда Қазақстанның Ресейдегі Елшісі Дәурен Абаев мәлімдеді.
«Қазақстан аумағына 220-дан астам кәсіпорынның эвакуациялануы елдің өнеркәсіп саласын, әсіресе түсті металл өндіруді қарқынды дамытуға үлкен серпін берді. Экономикалық жетістіктер, адамдардың жанқиярлық еңбегі, ғылыми және мәдени өрлеу – осының бәрі ортақ тарихи жеңістің бір бөлшегі болды», – деді Абаев.
Ресейдің Еркін экономикалық қоғамының басшысы Сергей Бодрунов өз кезегінде кез келген соғыс – бұл экономикалар мен технологиялардың күресі екенін атап өтті.
«Соғыс кезінде жеңіске тылда еңбек еткен жұмысшылардың, өнімді жеткізгендердің және отбасыларды қорғағандардың рухының күші әсер етеді. Бұл тұрғыда Қазақстан Жеңіске зор үлес қосты», – деді ол.