Олжас Сүлейменов қазақ тілінің көне өркениетпен байланысын дәлелдеді

18 мамырда ақын, түрколог, мемлекет қайраткері Олжас Сүлейменов 89 жасқа толды. Юбилей аясында ол қазақ тіліне қатысты маңызды ғылыми жаңалығын жария етті. Оның айтуынша, көне Египеттен бастау алатын “Осирис заңы” — егіншілікке негізделген өмір философиясы — алғаш рет нақты әрі толық түрде қазақ тілінде көрініс тапқан деп хабарлайды ozgeris.info сайты offside.kz сайтына сілтемемен. Бұл тұжырымдаманы Олжас Сүлейменов ЮНЕСКО қамқорлығындағы Мәдениеттер жақындасуы халықаралық орталығының зерттеулері нәтижесінде анықтаған. Ол орталықты он жылдан бері басқарып келеді. Сүлейменовтың айтуынша, көне ритуалдарда Осирис құдайы жерге жатқызылып, денесінен өсімдіктер өсіп шыққаны бейнеленген. Бұл – табиғаттың, өмірдің және қайта тірілудің символы. Бұл идея қазақ тілінде сақталған үш сөзбен үйлеседі: “Өс”, “Өсір”, “Өсіріс” – яғни өсу, өсіру, өсіру процесі.

– Осындай мағыналық әрі грамматикалық үйлесімділік әлемнің өзге ешбір тілінде жоқ. Бұл қазақ тілінің терең философиялық әлеуетін дәлелдейді, – дейді Сүлейменов.

Ол сондай-ақ Осирис дәуірінде оғыздар мен қазақтардың бабалары өркениеттің дамуына ерекше үлес қосқанын атап өтті.