"Ұл немесе қыз?": "Гендер-патиде" шағын ұшақ апатқа ұшырады

Мексикада баланың жынысын анықтауға арналған кеште шағын ұшақ апатқа ұшырады. Әуе апаты Синалоа штатында орналасқан Наволато қаласына жақын жерде болған. Әуедегі ұшақ – әйелдің ұл немесе қыз бала босанатынын көрсетуі тиіс болған. Ұшақ мерекелік кеш өткізілетін жерге көтерілгенде, қызғылт түтін шашып өтті. Осылайша ол ерлі-зайыптылардың қызды болатынын көрсетті. Көп ұзамай ұшақ жерге қарай құлдилап, апатқа ұшырады. Оқиға туралы куәгерлер құтқару қызметіне дереу хабарлаған. Құтқарушылар апат орнына бірнеше минут ішінде жетті. Дәрігерлер қанша тырысқанымен ұшқышты аман алып қала алмады.