Танымал әнші Абай Бегейдің екінші қызы Гүлеркем Ниязқұлова күйеуімен бірге заңсыз жолмен 162 млн теңге табамын деп ұсталып қалды, деп хабарлайды ozgeris.info сайты Azattyq Rýhy порталына сілтеп.
Қаржылық мониторинг агенттігінің мәліметінше, олар автокөлік, пәтер, басқа да бағалы сыйлықтарды жүлде ретінде ойнатқан.
Instagram, TikTok және Telegram арқылы лотерея таратылған
Ақтау қаласында тұратын ерлі-зайыпты Instagram, TikTok және Telegram әлеуметтік желілері арқылы 850 мыңнан астам оқырман жинап, онлайн лотереялар ұйымдастырған. Олар лотерея операторы ретінде тіркелмеген, бірақ соған қарамастан автокөлік, пәтер, басқа да бағалы сыйлықтарды жүлде ретінде ойнатқан.
Билеттер 500 теңгеден 50 000 теңгеге дейін сатылған
Қатысушылар лотереяға 500-50 000 теңге аралығындағы билеттерді (цифрлық нөмірлер) сатып алу арқылы қатысқан.
1 800-ден астам адам тартылған
Тергеу деректеріне сүйенсек, заңсыз ұйымдастырылған бұл лотереяларға 1 800-ден астам азамат қатысқан.
162 млн теңгеден астам заңсыз табыс анықталды
Алдын ала есеп бойынша, заңсыз кәсіпкерлік қызмет нәтижесінде алынған таза қылмыстық табыс көлемі 162 млн теңгеден асқан.
Мүлік пен банк шоттарына тыйым салынды
Қазіргі таңда күдіктілердің жылжымайтын мүлкі мен банктік шоттарына шектеу қойылды. Бұл қылмыстық іс бойынша сотқа дейінгі тергеу амалдары жалғасуда.
Ресми ақпарат шектелген
ҚР Қылмыстық-процестік кодексінің 201-бабы негізінде тергеу мүддесіне байланысты өзге ақпарат жария етуге жатпайды.