Олигархтың әйелі Жанна Канның өткізген BeWoman форумы өтірік пе?

Kozachkov offside telegram арнасының ақпаратынша олигарх Серік Қанның әйелі Жанна Кан ұйымдастырған «BeWoman» форумы қоғамдық дау туғызды, деп хабарлайды ozgeris.info. Форумға қатысқан VIP билеттерді сатып алған әйелдер 450 мың теңге төлеп, уәде етілген артықшылықтарды ала алмағандарын айтып шағымданды. Көпшілікке мәлім болғандай, форумға қатысушыларға белгілі тұлғалармен байланыс және арнайы ақпарат уәде етілген, бірақ іс жүзінде ешнәрсе орындалмаған. Сонымен қатар, форум кезінде Жанна Қанға марапат табысталғаны белгілі болды, бірақ кейіннен оның жалған екендігі анықталды, ал марапатты табыстаған тұлға алаяқтық үшін сотталған азамат болып шықты. Жаппай наразылыққа себеп болған тағы бір жағдай – кейбір қатысушылар 20 мың теңге төлеп, форумды офлайн тамашалаймыз деп ойлап барған, алайда олардың тек онлайн трансляцияны көретін мүмкіндігі ғана бар екені айтылды. Қазір форумға қатысушылардың көпшілігі өздерінің алданғанына наразы болып отыр.