Алматы әкімдігі бюджет ақшасын қайда шашып жатыр

"Пиьсма Президенту" арнасында Алматы әкімдігіне қатысты сын пайда болды. Мәліметке сүйенсек,

«Қазақстан Президенті бюджет қаражатын үнемдеуге бірнеше рет шақырғанымен, Алматы қаласының әкімдігі Наталья Сац атындағы театрды жөндеуге халық ақшасынан 21 млрд теңге бөлгелі отыр. Бұл жұмысты олигарх Айдын Рахимбаевқа тиесілі «BI Group» компаниясы жүзеге асырады», — деп жазылған мәліметте.

Естеріңізге сала кетейік, қала әкімдігінің өртеніп кеткен ғимаратын қалпына келтіруге 17 млрд теңге жұмсалды. Бұл ретте әкімдік ғимараты театрдан әлдеқайда көп. Сонымен қатар, 2024 жылдың 1 қаңтарында қала әкімдігінің мемлекеттік борышы 126.56 млрд теңгені құрады. Жуырда Алматыда Н.Сац атындағы орыс мемлекеттік академиялық балалар мен жасөспірімдер театрының ғимаратын реконструкциялау жұмыстары басталады. Қала әкімдігі мәліметінше, реконструкциялау жобасы мемлекеттік сараптамадан өткен, құрылыс жұмыстарын жүргізетін мердігер ұйымды анықтау үшін байқау да жарияланған. Жобаны жүзеге асыруға 21,7 млрд теңге бөлінген. "Осы тендерді тексеретін құзырлы органдар ұйықтап жатқан шығар", - деп жазылған арнада.