Парижге аттанған қазақстандық боксшылардың бірі Назым Қызайбай Олимпиада қалашығындағы бөлмесін көрсетті, деп хабарлайды Qaz365.kz.
Назым Қызайбай Париждегі бөлмесін видеоға түсіріп, TikTok желісіндегі ресми парақшасына жариялады.
«Бұл мен жататын бөлме. Ең кішкентай, тар бөлме екен. Төсектер картоннан жасалған. Жаныма тағы бір спортшы келіп тұрады. Қазіргі таңда жалғыз тұрып жатырмын. Әзірге орналасып, жаттығуымызды жалғастырып жатырмыз. 25 шілдеде жеребе болады. Дұғада болыңыздар», — деді боксшы.
Айта кетейік, спортшылар жыныстық қатынаспен айналыспау үшін Олимпиадаларда осындай төсек қолданыла бастады. Белгілі болғандай мұндай төсектер егер оның үстінде қатты қимылдамаса, 200 келіге дейінгі салмақты көтере алатын көрінеді.