«Қазақмыс» Қарағанды облысының Балқаш қаласындағы «Саяк-3» кен орнында екі жұмысшының қаза болғаны туралы айтты, деп хабарлайды ozgeris.info.
5 қазанда шахтада улы газ шығарылды.
«Барлық жұмыскерлерді жедел эвакуациялау жүргізілді. Зардап шеккендер жақын маңдағы медициналық мекемелерге жеткізілді. Өкінішке қарай, екі қызметкер қайтыс болды.
Оқиғаның мән-жайы мен себептері анықталып, қайғылы оқиғаны тергеу бойынша арнайы комиссия құрылды «, — делінген хабарламада.
Сондай-ақ, басшылық пен ұжым қаза болғандардың туған-туыстары мен жақындарына қайғырып көңіл айтады, олардың отбасыларына қажетті көмек көрсетіледі.
Жергілікті жұртшылықтың хабарлауынша, 34 жастағы Дулат Игембаев пен 23 жастағы Мадияр Тұрысбаев қаза тапқан.
Қарағанды облысының еңбек инспекциясы департаменті «Саяқ-3» кен орнындағы топтық жазатайым оқиғаны тексеретін арнайы комиссия құрды.