Қазақстанда 2024-2025 оқу жылына арналған білім гранттарының тізімі жарияланды, деп хабарлайды ҚР Ғылым және жоғары білім министрлігінің баспасөз қызметі.
Биыл билік жоғары оқу орындарында білім алу үшін 112 мың грант бөлді. Оның ішінде бакалавриатқа – 79 мың, магистратураға – 13 мың, докторантураға – екі мыңға жуық.
Ең көп гранттарды білім беру бағдарламаларының топтары алды:
- «Машина жасау, өңдеу өнеркәсібі, құрылыс индустриясы» — 19 344 грант;
- «Педагогика ғылымдары» — 13 735 грант;
- «Ақпараттық-коммуникациялық технологиялар» — 10 903 грант;
- «Жаратылыстану-математика және статистика» — 8288 грант.
Биылғы жылы оқу ақысын ішінара төлейтін сараланған гранттар алғаш рет енгізілді. Мұндай 150 грант «Педагогикалық және әлеуметтік ғылымдар», «Журналистика» және «Ақпарат» бағдарламаларына бөлінді.
«Серпін» бағдарламасы бойынша үміткерлерге 3903 грант бөлінді.