Елімізге танымал «ҚосLike» жобасының жүргізушісі өзінің ұзатуында ортаға шығып тілек айтып, көптің сынына ұшырады, — деп хабарлайды ozgeris.info сайты.
«Ұзатыламын деп жатқан кезде түрлі ой мен қорқыныш болады. Ертең қандай келін боламын, мені қалай қабылдайды деген сұрақтар тағы бар. 22 ақпанда «Тәтті шай» өткіздік. Барлығы жақсы өтті. Сұлтан екеуімізден шекесі торсықтай ұл мен маржандай қыз көп болсын. Халықтың ұл-қызы болатын балапандарды тәрбиелеу Сұлтан екеуміздің қолымыздан келеді деп ойлаймын. Алланың көзі түзу болып, ниетімізге қарай бар жақсылықты бере берсін. Ал біз қуанышымызды сіздермен бөлісуге дайынбыз», — деді ол.
Осы тұста желі қолданушылары Скатованың бұл әрекетін жақтырмай қалды.
«Ата-енесіне немере болады деп өзі айтқаны біртүрлі екен», «Өз-өзіне тілек айтқаны қалай кетті. Неге мына жақта мен ұялып отырмын?», «Мынау ерсі болды», «Қатты ақылды болған да жаман», «Әдемі сөйлейді екенмін деп микрофонға жабыса беруге болмайды ғой», «Ұят-ай, тост айтпай-ақ қою керек еді», «Үлкендер алдында қақшаңдап сөйлей берген ұят», — деп жазды олар.