Астана қаласының Қоғамдық денсаулық сақтау басқармасынан Назарбаев зияткерлік мектебінің зардап шеккен оқушысының жағдайы туралы айтып берді.
Ведомствоның хабарлауынша, 26 мамырда жедел жәрдем қызметі 2006 жылы туылған қызды алдыңғы іш қабырғасынан көптеген жарақаттармен № 2 қалалық көпсалалы ауруханаға жеткізді. Зардап шегушіге іш қуысына ота жасалды.
«Жағдайы ауыр, тұрақты», — деп хабарлады қалалық денсаулық сақтау басқармасынан.
Есіл аудандық полиция басқармасы адам өлтіруге оқталу фактісі бойынша қылмыстық істі тергеуде. Кәмелетке толмаған күдікті ұсталып, уақытша ұстау изоляторына қамалды.
Барлық қажетті сараптамалар тағайындалды, сотқа дейінгі тергеу жүргізілуде.