Президент Қасым-Жомарт Тоқаев X әлеуметтік желідегі парақшасында қазақстандықтарды Ұлттық домбыра күнімен құттықтады, деп хабарлайды Ozgeris.info.
Ұлттық домбыра күні құтты болсын! Бұл мерекенің қазақ руханияты үшін мән-маңызы зор. Қастерлі аспап дала өркениетінің ажырамас бөлігіне айналды. Төл мәдениетіміздің құнды қазынасын сақтау – баршамыздың парызымыз. Домбыра төрден түспесін! — деп жазды Мемлекет басшысы.
Еске салсақ, қазақстандықтар жыл сайын 7 шілдеде Ұлттық домбыра күнін атап өтеді.
Ұлттық домбыра күні 2018 жылы Президент Жарлығымен бекітілген. Мереке ұлттық мәдениет пен бірегейлікті сақтау және жаңғырту мақсатында бекітілді.
Фото: Ақорда