Сайғақтарды тиімді пайдалану арқылы Қазақстан үш миллиард долларға дейін табыс таба алады. Бұл туралы Жәңгір хан атындағы Батыс Қазақстан аграрлық-техникалық университетінің ғылым жөніндегі проректоры Әлжан Шамшидин мәлімдеді, деп хабарлайды
ozgeris.info сайты
Tengrinews.kz сайтына сілтемемен.
Мәжілістің Аграрлық мәселелер комитетінің отырысында сөйлеген сөзінде ол бұл соманың қайдан құралатынын түсіндірді.
«Сайғақ етін шетелге сату арқылы шамамен 2,5 миллиард доллар табуға болады. Бұған қоса, аңшылық туризмді дамытудың әлеуеті зор. Қытайлық инвесторлардың айтуынша, осы бағытта қосымша 500 миллион доллар пайда табуға болады», – деді ғалым.
Оның айтуынша, сайғақтарды арнайы қорғалатын аймақтарда – жабық резерваттарда өсіруге болады.
«Біздің зерттеулеріміз сайғақтарды жабық резерваттарда ұстауға болатынын көрсетті. Күзде оларды жинап, көктемде аталықтарын ет пен басқа да өнім алу үшін сойып, терең өңдеуге жіберуге болады», – деп қорытындылады Әлжан Шамшидин.
