Интимдік жарнама дауы: Астанадағы LED-экран хакерлік шабуылға ұшырады

Астанада “Керуен Сити” сауда орталығына қарсы бетте орналасқан LED-экранда интимдік қызметтерді жарнамалайтын бейәдеп мазмұндағы бейнеролик көрсетіліп, қала тұрғындарын таңғалдырды. Видеода қызмет бағалары доллармен көрсетілген. Бұл жайттың бейнежазбалары бірден әлеуметтік желілерде таралып кетті деп хабарлайды ozgeris.info сайты Tengrinews.kz сайтына сілтемемен. Астана қаласының ішкі саясат басқармасының мәліметінше, оқиға әлеуметтік желілерге жүргізілген мониторинг барысында анықталған.

“LED-экранда бейәдеп сипаттағы жазуы бар жарнаманың көрсетілгені тіркелді. Экран иесі бұл жағдай Wi-Fi желісін бұзып, жүйеге сырттан заңсыз қосылу арқылы жасалғанын айтты. Экран иесімен кездесіп, түсіндіру жұмыстары жүргізілді, қызметтік тексеріс өткізілді. Мұндай жағдайлар қайталанбауы үшін экран толығымен алынып тасталды”, – деп хабарлады әкімдік өкілдері.

Аталған факті бойынша материалдар полицияға жолданды. Қазіргі таңда жүйеге заңсыз қол жеткізу мен жарнама туралы заңнаманың бұзылу фактілері бойынша тергеу жұмыстары жүргізіліп жатыр.

Bu gönderiyi Instagram'da gör

“ Құқық және Шындық “ РҚБ (@quqyq_zhane_shyndyq_)'in paylaştığı bir gönderi