«Ирина Кайратовна» тобының мүшесі Алдияр Жапарханов елдегі жемқорлық туралы айтты, деп жазады «Өзгеріс.инфо» liter.kz-ке сілтеп.
«Өз басым, кеңестік шыңдалған басшылар зейнеткерлікке шыққанда, бір нәрсеге сенуге болады деп ойлаймын. Мен жеке мысал келтірейін, Ертісті қаржы мәселесінен құтқарамыз деп жүрген едік, ағама біреу телефон соғып, егер мен өз жөніммен жүрмесем, жұмыстан қуылатынын айтты. Ал мен жай ғана президент Тоқаевпен елдегі болып жатқан заңсыздық, жемқорлық мәселесі туралы сөйлескім келді. Ал, басқаша айтқанда бұл не?»
Алдиярдың айтуынша, жемқорлық мәселесін ары қарай қазбалап, мәселені шешпек болғанымда оны өлтіріп тастар еді дейді. Ол қаржылық мәселелерге қатысты туған жері Павлодар аймағының футбол құрамасы ФК «ЕРТІС»-тің қазақ футболы сахнасынан кетуі туралы былай деді:
«Мен клубтағы осы жағдайға қатты налыдым. Туған жерімде клубты осылай құрта салуға көз жұма қарай алмадым, оның үстіне бұрынғы облыс әкімі Болат Бақауов та Павлодарлық еді. Ол команданың тағдырына бейжай қарамауы керек қой… Осыдан кейін Дмитрий Васильев маған телефон соқты, ол бар шындықты айтуға дайын екенін айтты. Шамасы, ол менің подкасттарымның біріне қосылғысы келді, бірақ мен оған енді ол жобаларға қатыспайтынымды айттым. Жауап ретінде ол мені қорқақ деп айыптады.
Ойыншылардың өздері жалақылары қашан берілетіні туралы сұрақтарымен де маған жүгінді. Өйткені, мен клуб басшылығымен сөйлесіп, соған сәйкес басшылық пен ойыншылар арасындағы «көпір» болдым. Олармен ешқандай байланыс болмады. Олардың арасында «коннект» деген жоқ еді. Сол Карлос Фонсеканың өзі де оларға жалақының қашан төленетінін білмеді.
Барлық жолдар Астанаға апарып тұрды. Мәселенің шешімі маған солай көрінді. Олар маған тендерлік іс-шараның құжаттарын көрсеткенде, қанша қаражат бөлінуі керек еді, нақты қаншасы жұмсалды, бәрі сол кезде белгілі болды. Менің ойымша, егер мен ары қарай қазбаласам, мені өлтіріп тастар еді. Сондықтан мен сол жерден тоқтадым. Мен үшін отбасы қымбатырақ. Осы оқиғадан кейін мен де футболшыларды түсіне бастадым».