Қазақстанның халық әртісі Димаш Құдайберген Еуропадағы «Stranger» турының жаңа кезеңіне қызу дайындық үстінде, деп хабарлайды ozgeris.info.
Әнші жақында Чехия астанасы Прагада өтетін концертіне дайындық сәттерінен суреттер жариялады.
«Прагадағы концертке бес күн қалды», – деп жазды Димаш.
Бұл аптада ол Чехиядан кейін Данияда да сахнаға шықпақ.
Димаштың жанкүйерлері оның жаңа образын жоғары бағалады. Әнші бұл жолы классикалық смокингтің орнына джинс костюмін таңдап, жаңа қырынан көрінді. «Қандай әдемі әрі брутальды образ! Концертті тағатсыздана күтеміз», «Бұл джинсовый костюм саған өте жарасады», «Концертке сәттілік!», – деп жазды желі қолданушылары.
Айта кетейік, «Stranger» туры аясында Димаш әлемнің түрлі елдерінде өнер көрсетіп, тыңдармандарын жаңа әндерімен қуантуды жалғастырып келеді.
Посмотреть эту публикацию в Instagram