«Қазақфильм» акционерлік қоғамының президенті Азамат Сатыбалды Instagram парақшасында өзіне қатысты өткізілген наразылық шеруге қатысты жауап берді, деп хабарлайды Ozgeris.info.
Актер қызметкерлердің талап-арызын аяқтан шалу және жала жабу деп есептейтін көрінеді.
«Ей, пендем. Ер жігіттің бабын алсаң да, басындағы бағын ала алмассың. Соны ұмытпа. Жала жабу. Аяқтан шалу. Жұмыс жасатпау. Көре алмаушылық.
Бір-екі күнде мақала шығады. Толық жауап сол жақта болмақ. Аллаға аманат», — деп жазды Азамат Сатыбалды.
Айта кетейік, күні кеше «Қазақфильм» алдында «Қазақ анимация» шығармашылық бірлестігінің қызметкерлері наразылық білдірді. Олардың сөзінше, мемлекеттен бөлінген тиісті қаражат әлі күнге дейін қызметкерлерге берілмей келеді.ф