Облыстық полиция департаменті хабарлағандай, атыс қаруын қолданып бұзақылық жасағаны үшін қылмыстық іс қозғалды. Оқиға 30 сәуір күні Көксай ауылында болған.
«Әлеуметтік желілерде жүргізілген мониторинг барысында оқ атқан жастардың бұзақылық фактісі анықталды, тәртіп сақшылары 21 және 23 жастағы екі жігітті анықтап, аудандық ішкі істер бөліміне әкелді», — деп толықтырды ведомство.
Қару тиісті сараптамаға жіберілді. Жастар уақытша ұстау изоляторына қамалды. Қазір тергеу амалдары жүргізілуде.