Атырау облысы бойынша Бәсекелестікті қорғау және дамыту агенттігінің департаменті CMN.KZ тілшісіне берген мәліметіне сүйенсек, «Batys Petroleum» ЖШС жуу-булау станциясына қатысты тергеу басталған.
Іс белгісіз бір компанияның өтініші негізінде қозғалған. Ведомство мамандары жоспардан тыс талдау жүргізу барысында монополиялық жағдайды теріс пайдаланудың белгілерін анықтаған.
«Бұл жағдай мұнай өнімдерін тасымалдауға арналған цистерналық вагондарға ағымдағы жөндеу қызметіне монополиялық жоғары баға белгілеу және оны ұстап тұру арқылы көрініс тапқан. Антимонополиялық заңнаманы бұзу фактісі тергеу аясында тексерілуде», – делінген аймақтық БҚДА хабарламасында.