Астаналық кәсіпкер бөліп төлеу мен несиеден бас тартты

Данияр есімді Астаналық кәсіпкер әшекей-бұйым дүкенінде енді бөліп төлеу мен кредитке тауарды алуға болмайтынын айтты, деп хабарлайды Ozgeris.info. Кәсіпкердің айтуынша, ол өз дүкенінде Kaspi RED, Kaspi Кредит пен Kaspi Бөліп төлеуге тыйым салды. "Кім сатып алуға шамасы келмей, бөліп төлегісі келсе - бізден өнім сатып алмаңыз. Демек сізге оның қажеті жоқ. Мүмкіндік болған кезде сатып аларсыздар", - деді Данияр. Постта халық оны қолдап, осы бөліп төлеудің кесірінен халық қарызға батып жатқанын айтты.

"Осы бөліп төлеудің арқасында халық қарызға батып жатыр. Әркім мүмкіндігінше ақша жұмсауы керек", "Халық үшін кредиттен бас тартқан бірінші адам", "Жарайсың! Дұрыс. Несие алу - күнә.", "Жарайсыңдар, жігіттер! Бұл өте дұрыс шешім".