Ресейдің жұмсақ күші нені насихаттамақ? Белігілі журналист Нұргелді Әбдіғани өзекті мәселенің бетін ашты.
Айтуынша, Астанадағы «Русский дом» өздерінің идеологиясын насихаттап жатыр. Олардың парақшасында «10 жыл – тұтас бір дәуір. 18 наурыз – Қырымның Ресейге қосылған күні», - деген жарнама пайда болды.
«Крым. Перерождение» деген деректі фильм көрсетеміз. Қысқа уақытта адам танымастай өзгерген, Ресейдің ең дамушы аймағы - Қырымды көрсетеміз», -дейді. «Тегін шәй беріп, тегін кино көрсетеміз», - дейді.
"Қазақстан Қырымды «Ресейдікі» деп қашан мойындап еді? Экс-президент Назарбаев та, Президент Тоқаев та Қырымды Ресейдікі деп мойындаған жоқ! Қазақстан БҰҰ мойындаған жерлерді ғана мойындайтынын айтқан. Қырымға қатысты БҰҰ-дағы дауыс беруде Қазақстан қалыс қалған. Сонда Ресей өзіне қарасты «Руский дом» арқылы Қазақстанда не насихат жүргізіп жатыр? Біздің құзырлы органдары бұған рұқсат берді ме? ҚР СІМ-і бұған не дер екен?", - деп жазды журналист.
«Русский дом» - бұл Ресейдің «жұмсақ күші». Биыл Баку мен Кишинев осы «Русский домдарды» жапты.
Ал Қазақстанда олар емін-еркін насихатын жасап жатыр. Оны кім қадағалап жатыр? Бұл дабыл қағарлық мәселе.
Ozgeris.info тілшісі бұл ақпаратты тексеруге арнайы ұйымның Telegram парақшасына кірді. Алайда дәл осы жазба өшірілгенге ұқсайды. Ақтарып отырып ешнәрсе таппадық, алайда журналистің парақшасындағы "скрин" сіздердің назарларыңызға.
Ашық дереккөздерге сүйенсек, «Русский дом» Астанадағы Ресей ғылым және мәдениет орталығы, сондай-ақ Қазақстан Республикасындағы Россотрудничество өкілдігі. Орталық 2002 жылы ашылды, ал 2001 жылдан бастап елшілікте өкіл жұмыс істеген.Орталықтың қызметі Ресей мен Қазақстан арасындағы ғылым, мәдениет және білім саласындағы жобаларды жүзеге асыруға бағытталған. Сонымен қатар, отандастардың гуманитарлық жобаларына қолдау көрсетеді екен.
