Танымал актриса Жұлдыз Әбдікәрімова өзінің апелляциялық шағымы бойынша алғашқы сот отырысының егжей-тегжейін оқырмандарымен бөлісті, деп хабарлайды ozgeris.info.
Жұлдыздың айтуынша, нәтижелер туралы айту әлі ерте, себебі тараптардың дәлелдері әлі толық қаралмаған.
«Бірінші отырыста сот өзара келісімге келуді ұсынды. Алайда, қарсы тарап негізсіз жалған ақпарат беріп, сотты жаңылыстыруға тырысады», — деді актриса.
Әбдікәрімова сондай-ақ құрылыс компаниясын екі жыл бойы жарнамалағанын және оның айтуынша, келісімшарт толығымен орындалғанын еске салды. Дегенмен, үй мен паркингке ақы төлеу мәселесі шешілмеген күйінде қалып отыр.
Актриса сот екі тараптың дәлелдерін мұқият қарап, әділ шешім шығаратынына сенімді.
Ақпарат qazaq.today сайтынан алынған.