Қостанайда көшеде жалаңаш жүгірген жігіт әрекетін түсіндіре алмады

Облыстық соттың мәліметінше, түнде бір ер адам қаланың көшелерінде жалаңаш жүгірген. Сот отырысында айыпталушы кінәсін мойындап, сол күні ата-анасының үйіне жаяу бара жатқанын айтқан. Соттың хабарлауынша, ол жүгіріп бара жатып, киімдерін лақтырып отырған. Есірткі немесе алкоголь тұтынбаған, бірақ өзінің әрекетін түсіндіре алмады. Оған әкімшілік құқық бұзушылық жасағаны үшін айып тағылып, 20 АЕК мөлшерінде айыппұл салынды.