Дизайнер әрі блогер Елзат Мұқаш Өскемендегі «Қасым Қайсенов» атындағы этнобаққа барып жағасын ұстап қайтты, — деп хабарлайды ozgeris.info.
TikTok парақшасына жүктеген видеоға көз жүгіртсек, Өскемен қазақтың жері ме деген ойда қаласың. Өйткені ондағы этнобақта қазақ мәдениетіне тиесілі дүние жоқтың қасы.
«Өскемендегі «Қасым Қайсенов» атындағы Этнобақты көруге келдім. Өскемендіктер этно мен хайуанаттар бағын шатастырып алған сияқты. Өйткені, бақ жануарлардың мүсініне толы. Одан қалды орыстың шалыы да бар. Мына жердегі собор мен шіркеулерді көріп Қасым Қайсеновтің өзі ренжитін сияқты ғой. Қасым Қайсенов атындағы саябақтың қақ ортасында Кировтің ескерткіші тұр. Өскемен Қазақстанның Шығыс қақпасы. Өскеменнің бір жағында Ресей, бір жағында Қытай тұр. Ресейліктер Өскеменге келсе, қандай ойда болады? Біздің мәдениетіміз тұнып тұрса, өз мәдениетін құрметтейтін қазақтың жері екенін бірден түсінетін еді. Мынаны көріп қаным қарайып тұр. Избушканың орына біздің киіз үйді қоймай ма?», — деді ол.
Бұдан бөлек, Буратино, шайтанға мінген қазақ, Баба-Яга, Алтын балық сынды орыс ертегілерінің кейіпкерлері бейнеленген ескерткіштер тұр. Өскемен орыстың ертегілерін төрге қойып, әдемілеп насихаттап жатыр, — дейді блогер.
@elzat.muqash Өскеменді орыстарға беру ғана қалды ғой😡 Бүкіл түркі елдің бесігі Алтай өңірінде осындай болып жатса қалғанын қайтеміз?☹️ #өскемен #қазақстан #устькаменогорск #қазақша #дизайн #elzatmuqash #елзатмұқаш ♬ оригинальный звук — дизайнер Елзат Мұкаш